FESTAS PATRONAIS DE BURIA, CAMARIÑAS

      A actual parroquia de San Xurxo de Camariñas, da Diócese de Santiago, chamábase antes San Xurxo de Buria cando pertencia á lonxana Diócese de Mondoñedo e Camariñas non eran mais que catro casiñas brancas que se espellaban nas augas do mar, como di a habaneira. Daquela chegáballe coa capela do Carme, levantada fronte ó Cuartel de Abaixo, hoxe desaparecido.

      Estas festas tiñan personalidade propia e números moi seus, como a anual rifa dun carneiro. Se podian contratala, endexamais faltaba a xa famosa Orquestra Paris, cando cantaba o gran Constantino Pego, coñecido en Camariñas como O Nejro e no resto de Galicia como O Xitano. Tampouco podía faltar a célebre Agrupación Arrabal, de Carnés, mais coñecida entre nós como Os Casolos, que ten tocado grandes concertos de gaita, tambor e bombo para as vacas dalgún labrego forte da aldea, que pensaba con toda razón que os animais tamen tiñan o seu dereito, ainda que non estiveran na India. Eran outros tempos.

      Daquela, polo que levamos dito, a festa do patrón era a festa propia da aldea de Buria e por eles foi organizada sempre no seu propio recinto festeiro, a carón da igrexa nova, que mandou levantar un ilustre buriense do lugar do Cotro, Domingo Antonio Rodriguez  Canosa. A anterior estaba na Grixa (Grixa ven de igrexa). Eso sí, os da vila sempre tivemos a gala non faltarlle ós nosos benqueridos veciños de Buria, polo que cruzabamos ledos O Areal, cando era unha gran leira de millo, para botar unhas pezas ó agarrado, marearnos un pouco nos botiños ou nas voadoras e, en suma, celebrar o noso San Xurxo.

MOITAS FELICIDADES A TODOS