martes, 6 de septiembre de 2011

SOMOS UNHA TERRA DE PRIMEIRA, MAIS…

O FÚTBOL GALEGO

XOGA NA SEGUNDA

Desde a súa constitución, a principios do século pasado, tanto o Deportivo como o Celta xogaron mais tempadas na Primeira que na Segunda División, pero o certo é que, desta volta, os dous principais equipos galegos terán que xogar na categoría de prata do fútbol español. Eso sí, parten como favoritos para o ascenso, pero esto acaba de empezar e hai moito que roer. A tempada é longa e complicada.

De momento, o Celtiña empezou moi ben, gañando os dous primeiros partidos, que xogou, ademáis, fora da casa. En troques, o Deportivo xogou os dous primeiros no estadio municipal de Riazor e só gañou un deles.

Equipamento do R.C. Celta para a tempada 2011-2012

Os resultados, ata o momento, foron os seguintes:

Deportivo – Recreativo de Huelva 1 – 0

Murcia – Celta 1 – 3

Deportivo – Hércules de Alicante 0 – 1

Recreativo de Huelva – Celta 1 – 2

Agora mesmo, o Celta está de terceiro, mais no grupo que encabeza a táboa clasificatoria, con 6 puntos, que son os mesmos que ten o primeiro, mentres o Deportivo ten tres puntos e ocupa o posto número 11 dos 22 equipos que integran a Segunda División.

A próxima xornada, o Celta recibe en Balaídos ó Elche, que está no segundo lugar da clasificación, cos seus mesmos puntos. Ó Deportivo tócalle xogar fora da casa co Barcelona B, que está no oitavo lugar da táboa cos mesmos puntos tamén do conxunto coruñés.

Equipamento do R.C. Deportivo para a tempada 2011-2012

Na Liga que acaba de principiar, Galicia non terá, pois, fútbol de Primeira División, malia contar con dous equipos históricos que aportaron moitos días de gloria ó deporte do balompé. Xa que logo, temos que facer votos para que ámbolos dous volvan de novo ó lugar de honor que lles corresponde e que a afección galega necesita.

Velaquí os datos e as imaxes sobre os nosos equipos mais sobranceiros, de cara á nova tempada futbolística.